अरे रे रे रे रे रे रे ………
अरे आगेंव काजर भंजेव लउठी
अइठेंव मेंछा तान के
अरे देखत रहिबे तोला बिहाहुँ
मोला खवाबे रान्ध के

अरे रे रे रे रे भाई रे
अरे कब ले धन्धाबे पिंजरा के मैना
अरे मुसुर मुसुर मुस्काबे रे
अरे कभू तो टुटही लोहा के पिंजरा
अरे दउड़त मोर तीर आबे रे

अरे रे रे रे रे भाई रे
अरे खड़े खड़े कइसे भूकवागे
हुकुन देबे ध्यान जी
कइसे तैं मोला नि चीन्हे
अरे मैं हौ तोर दमांद जी

अरे रे रे रे भाई रे
अरे लउकी लउकी सबो करे भइया
अरे लउकी ला कथे तूमा रे
अरे हार गे हस तैं रे बइरी
लेहु अब तोर चुम्मा रे

हा टुकुर टुकुर तोर ददा हा देखै
मुटुर मुटुर तोर दाई
सुटुर पुटुर तैं झन कर नोनी
कर ले न मोर संग सगाई (x2)

अरे बन जा न मोर लुगाई (x2)